Ako po si Derek Andrei S. Bisares, at naging OJT (On-the-Job Trainee) sa ating sintang kooperatiba, ang BBSAMAMUCO, mula Enero hanggang Mayo ng taong 2024. Isa itong napakagandang karanasan para sa akin bilang isang estudyante noong panahong iyon. Marami po akong natutunan at naranasan, at ito ay nakatulong ng malaki sa aking personal na pag-unlad at pagpapabuti ng aking mga kakayahan, katuwang ang kooperatiba. Dahil dito, nakatamo ako ng magandang resulta: natapos ko ang aking kolehiyo sa parehong taon sa kursong ,Bachelor of Science in Business Administration, Major in Marketing Management sa Pamantasan ng Lungsod ng Marikina. Pinalad din po akong magtapos na may Latin honor CUM LAUDE, at ang kooperatiba po ay isa sa mga naging bahagi ng tagumpay kong ito. Ang kooperatiba po ay humubog, gumabay, at tumulong sa akin upang maabot ang mga tagumpay na ito. Lubos po akong nagpapasalamat sa kooperatiba sa pagtanggap at suporta mula simula. Ngayong taon, bilang sukli at upang makabawi, ako po ay sumubok magtrabaho sa ating kooperatiba upang higit ko pang matulungan sa pag-unlad nito at magbigay ng kontribusyon sa lahat ng naitulong nila sa akin noong ako'y nagsisimula pa lamang. Maraming salamat po at nawa'y patuloy pa nating mapalago at mapabuti ang kooperatiba sa mga susunod na taon! MABUHAY ANG LAHAT NG KAMAY ARI

Ako po si Rav 18 years old, isa nang Associate Member ng BBSAMAMUCO dahil dati akong nag-iipon as Laboratory Cooperative o Labcoop Labis akong nagpapasalamat dahil naturuan ako ng coop na makapag-ipon sa edad na 17 yrs old. At dahil sa pag-iipon ko sa BBSAMAMUCO, mayroon akong nagamit na pambili ng aking gamot noong ako’y nagkasakit. Hanggang ngayon, patuloy ang aking pag-iipon para sa aking kinabukasan. Hinihikayat ko po kayo sa sumali sa BBSAMAMUCO dahil sa ganda ng serbisyo nito at tiyak kong ito’y makakatulong sa inyo.

“Nag-start ako sa Coop sa halagang 2,000 na Share Capital. Hanggang sa ito ay lumaki at nakapag-loan ako para ipandagdag sa aking online selling business. Nagtitinda ako, at this same time, ako rin ang nagdedeliver. Ako ang nagdadala ng Items ko para makapag alok din ako sa ibang tao, iyan ang diskarte ko para kumita. Ang mga produktong itinitinda ko ay Fabric Conditioner, dishwashing liquid, mga ketsup at Lechon Sauce, mga biskwit, cookies at brownies. Mayroon din akong Itinitindang mga Tuyo tulad ng pusit, dilis, boneless danguit, sapsap at mga dried goods kagaya ng mga damit at pain killers. As long as kumikita at masaya ako sa ginagawa ko, hindi ako nag-aaksaya ng oras dahil naniniwala din ako na nandiyan ang coop para tulungan tayo, basta’t masipag ka lang at marunong ka sa iyong responsibilidad na magbayad, tutulungan nila tayo. Just do our best! Maraming maraming salamat po BBSAMAMUCO! God Bless you all!

“I was encouraged to join BBSAMAMUCO because I believe that joining this type of cooperative will help my personal finances. We are not getting any younger kaya naman Naniniwala po akong tama ang desisyon ko na mag invest dito at alam kong safe ang hard earned money ko. I put all my trust in them because I saw how they helped their members in their lives. Walang pag sisisi na isa nakong kamay ari Nothing can be left behind, sabay sabay aasenso dito!”

“Isa siguro sa mga magagandang naging desisyon naming mag-asawa sa pinansyal na aspekto ng aming buhay ang maging kamay-ari sa BBSAMAMUCO. Dahil masaya at masagana ang aming karanasan dito. Mula sa tulong na naibibigay nito para sa aming upang makapag-impok hanggang sa mga panghihiram sa mga panahong kami ay nangangailangan. Tulad na lang sa mga biglaan naming mga gastos sa ospital, isa ang BBSAMAMUCO sa direktang nakatulong sa amin. Kaya naman, lubos kaming nagpapasalamat at patuloy kaming susuporta sa mga programa ng ating kooperatiba.”

Lubos ang aking pasasalamat sa BBSAMAMUCO dahil natulungan ako makapundar ng laptop na kung saan malaking tulong sa aking pagtatrabaho bilang isang guro. Lalo na halos lahat ng galaw ay kinakailangan na nang teknolohiya kaya dahil dito mas napagaan ang aking mga gawain. Isa ang coop sa nagging daan para ako ay maging isang Licensed Professional Teacher dahil naging takbuhan ko ito para magkaroon ng budget para sa mga requirements na kinailangan ko sa pag aapply mag-exam hanggang sa pagkuha ng lisensya. Ako makapundar din ako ng Cellular phone dahil sa koop na naging gamit ko din halos sa pag-edit ng mga kailangan na larawan na gagamitin sa aking pagtuturo. Malaking tulong talaga ang koop sa mga miyembro nito. Maraming salamat, BBSAMAMUCO.